Një sulm rus ka dëmtuar një digë në një rezervuar në rajonin Donetsk të Ukrainës lindore, duke shkaktuar një rritje të konsiderueshme të nivelit të ujit të lumit dhe duke krijuar një kërcënim përmbytjeje për komunitetet aty pranë. Këtë e ka bërë të ditur guvernatori lokal Vadym Filashkin.
"Rusët dëmtuan digën e rezervuarit Kurakhové. Ky sulm kërcënon potencialisht banorët e lokaliteteve të vendosura në lumin Vovça në rajonet Donetsk dhe Dnipropetrovsk", tha Filashkin.
Sipas guvernatorit, niveli i ujit në lumin pranë Velyka Novosilka u rrit me 1.2 metra që nga ora 16:00 sipas kohës lokale, por asnjë shtëpi nuk është përmbytur.
Kanalet ruse të Telegramit pro luftës fajësojnë Ukrainën për shkatërrimin e digës. Ushtria ukrainase nuk i ka komentuar këto pretendime.
Roman Padun, kreu i administratës ushtarake të qytetit Kurakhove, i tha Suspilne se autoritetet nuk mund të kontrollojnë shkallën e dëmtimit të digës dhe ta inspektojnë atë për shkak të sulmeve të vazhdueshme.
Rusia po kryen sulme intensive në seksione të shumta të frontit lindor, me përpjekje për të thyer mbrojtjen e Ukrainës në Donetsk Oblast drejt qyteteve Kurakhove dhe Pokrovsk. (A2 Televizion)
A2 CNN Livestream
MUND TE LEXONI GJITHASHTU
