Presidenti i Ukrainës, Volodymyr Zelensky u largua nga Shtëpia e Bardhë pas takimit të tij me dyer të mbyllura me Donald Trump. Me anë të një postimi në rrjetin social X, Zelenskyy tha se pati një takim të mirë me Trump dhe se të dy diskutuan rëndësinë e mbrojtjes së ukrainasve dhe se si SHBA-të mund ta ndihmojnë Ukrainën me sistemet e mbrojtjes nga raketat.
"Unë dhe Presidenti diskutuam licencat për prodhimin e interceptorëve Patriot dhe disa ide të tjera që mund të ndihmojnë", tha ai. Zelensky tha se do të ketë komunikim të mëtejshëm dhe shprehu mirënjohjen e tij për "mbështetjen e fortë" nga SHBA-të.
“Diskutuam gjithashtu për diplomacinë; është e rëndësishme të rigjallërohet procesi diplomatik. Ekipet tona do të organizojnë detajet e komunikimit të tyre të mëtejshëm. Jam mirënjohës ndaj Shteteve të Bashkuara për mbështetjen e tyre të palëkundur." Kjo është ajo që shkroi Volodymyr Zelensky në X menjëherë pas takimit me Trump.
Më pas Trump zhvilloi edhe një takim me dyer të mbyllura me Kryeministrin e Izraelit, Benjamin Netanyahu. Ky është takimi i parë midis Trump dhe Netanyahut që nga fillimi i luftës kundër Iranit më 28 shkurt dhe i teti që nga fillimi i mandatit të dytë presidencial të manjatit. Sipas një zyrtari të Shtëpisë së Bardhë, të dy udhëheqësit do të diskutojnë konfliktin e vazhdueshëm me Iranin, praninë e Izraelit në Libanin jugor dhe përpjekjet për të zgjeruar Marrëveshjet e Abrahamit.
Ndërkohë raportohet se Kryeministri izraelit Benjamin Netanyahu dhe Presidenti ukrainas Volodymyr Zelensky nuk do të takohen këtë javë në Uashington, tha një zyrtar i njohur me çështjen për Times of Israel. Megjithatë, ata u panë të ulur pranë njëri-tjetrit dje në një aktivitet me dyer të mbyllura, shtoi zyrtari.
Ministri i Jashtëm iranian Gideon Sa'ar foli megjithatë me homologun e tij ukrainas Andriy Sibiha: "E ftova ministrin të vizitojë Izraelin me rastin e 35-vjetorit të marrëdhënieve diplomatike midis vendeve tona", shkroi Sa'ar në X. "Izraeli dhe Ukraina janë vende mike dhe mezi pres të thellojmë më tej bashkëpunimin tonë, duke përfshirë edhe krijimin e qendrave të reja të trajnimit në spitalet ukrainase".
Takimi i dy liderëve me Donald Trump u zhvilluar gjatë ceremonisë së funeralit të senatorit republikan Lindsey Graham (A2 Televizion)
A2 CNN Livestream
MUND TE LEXONI GJITHASHTU
