SHBA-ja dhe Franca kanë bërë thirrje për një armëpushim të përkohshëm 21-ditor midis Izraelit dhe Hezbollahut për t'i hapur rrugë negociatave diplomatike për një zgjidhje, pasi sekretari i përgjithshëm i OKB-së, Antonio Guterres, tha në mbledhjen e Këshillit të Sigurimit të OKB-së se "ferri po shpërthen" në Liban.
A2 shkruan se në deklaratën e përbashkët të lëshuar nga presidenti amerikan Joe Biden dhe homologu francez Emmanuel Macron thuhet: "Është koha për një zgjidhje në kufirin Izrael-Liban që garanton sigurinë dhe për t'u mundësuar civilëve të kthehen në shtëpitë e tyre. Shkëmbimi i zjarrit që nga 7 tetori, dhe veçanërisht gjatë dy javëve të fundit, kërcënon një konflikt shumë më të gjerë dhe dëmton civilët.”
Deklarata e përbashkët u nënshkrua gjithashtu edhe nga Australia, Kanadaja, Bashkimi Evropian, , Gjermania, Italia, Japonia, Arabia Saudite, Emiratet e Bashkuara Arabe, Mbretëria e Bashkuar dhe Katari, shkruan A2.
“Situata mes Libanit dhe Izraelit është e patolerueshme dhe paraqet një rrezik të papranueshëm për një përshkallëzim më të gjerë, i cili nuk është në interesin e askujt. Është koha për një marrëveshje diplomatike, por diplomacia nuk mund të ketë sukses në mes të konfliktit në përshkallëzim. Kjo është arsyeja pse ne bëjmë thirrje për një armëpushim të menjëhershëm 21-ditor në kufirin midis Libanit dhe Izraelit”, thuhet më tej në deklaratën e përbashkët të bllokut prej 12 anëtarësh.
Gjenerali më i lartë i Izraelit ka thënë se vendi po përgatitet për një operacion të mundshëm tokësor në Liban pas një fushate intensive bombardimesh tre-ditore që ka vrarë më shumë se 600 njerëz, duke nxitur më tej frikën e një konflikti rajonal. (A2 Televizion)
A2 CNN Livestream
MUND TE LEXONI GJITHASHTU
