Hossein Shanbehzadeh, një bloger iranian, u dënua me 12 vite burg nga një gjykatë e Republikës Islamike pasi iu përgjigj një postimi të liderit Ali Khamenei në platformën ‘X’ duke i korrigjuar shenjën e pikësimit.
Fotoja e shpërndarë në maj nga Lideri Suprem e tregonte atë me ekipin e volejbollit dhe përshkrimi nuk kishte asnjë shenjë pikësimi. Korrigjimi drejtshkrimor i shkrimtarit 35-vjeçar mori shumë më shumë pëlqime sesa botimi i Ajatollahut, ndaj autoritetet e arrestuan disa javë pas përgjigjes së tij.
Aktivisti ishte arrestuar më parë në vitin 2019 me akuzën e “fyerjes së shenjtërisë dhe liderit suprem të Republikës Islamike”. Komentet e tij në internet thuhet se kishin në shënjestër Khamenein.
Prokurorët iranianë e kanë akuzuar blogerin se "spiunon për llogari të zyrtarëve të lartë të Mossad", "fyerje të shenjtërisë fetare" dhe "kryerje të shumta të akteve blasfemike". (A2 Televizion)
A2 CNN Livestream
MUND TE LEXONI GJITHASHTU
