Një shpërthim gazi në një minierë qymyri në Provincën Khorasan të Iranit duke vrarë të paktën 51 persona dhe duke plagosur 20 të tjerë. Lajmin e bëri të ditur media shtetërore e vendit të dielën.
Shpërthimi ndodhi në dy blloqe, B dhe C, të minierës së drejtuar nga kompania Madanjoo.
“76% e qymyrit të vendit sigurohet nga ky rajon dhe rreth 8 deri në 10 kompani të mëdha po punojnë në rajon, duke përfshirë kompaninë Madanjoo”, tha guvernatori i provincës së Khorasanit Jugor, Ali Akbar Rahimi për median shtetërore të dielën.
Operacioni i shpëtimit në bllokun B raportohet të ketë përfunduar. Nga 47 punëtorët që ishin në këtë bllok, 30 humbën jetën dhe 17 u plagosën.
Ndërkohë, kanë nisur operacionet e shpëtimit në bllokun C. Dendësia e metanit në bllok thuhet të jetë e lartë dhe operacioni pritet të zgjasë rreth 3-4 orë.
Në momentin e shpërthimit, nëpër galeri ndodheshin 69 minatorë. (A2 Televizion)
A2 CNN Livestream
MUND TE LEXONI GJITHASHTU
