Kryeministri i Sllovakisë, Robert Fico, mbyll derën për anëtarësimin e Ukrainës në NATO, të paktën në afat të shkurtër. Në një intervistë me transmetuesin sllovak Stvr, Fico tha se Ukraina e ka rrugën e hapur për anëtarësim në Bashkimin Europian por jo në NATO, shkruan A2 CNN.
“Për sa kohë që unë jam kreu i qeverisë sllovake, do t'u them parlamentarëve që janë nën kontrollin tim, të mos pranojnë kurrë anëtarësimin e Ukrainës në NATO", duke ju kujtuar gjithashtu se hyrja në Aleancë duhet të ratifikohet nga të gjitha shtetet anëtare. Do të ishte thjesht një bazë e mirë për një luftë të tretë botërore”, shtoi kryeministri sllovak. Në vend të kësaj, ai foli në favor të hyrjes së Ukrainës në Bashkimin Evropian.
Deklarata e Kryeministrit të Sllovakisë vjen si reagim ndaj Ministrit të Jashtëm rus, Sergey Lavrov i cili në një intervistë për revistën amerikane Newsweek përcaktoi qartë qëndrimin rus për Ukrainën. “Qëndrimi ynë është i njohur gjerësisht dhe mbetet i pandryshuar. Marrëveshjet e Stambollit të nënshkruara më 29 mars 2022 nga delegacionet ruse dhe ukrainase mund të shërbejnë si bazë për zgjidhjen, shkruan A2 CNN. Ato parashikojnë refuzimin e Kievit për t'u bashkuar me NATO-n dhe përmbajnë garanci sigurie për Ukrainën, ndërkohë që njohin realitetet në terren. Është e panevojshme të thuhet se në më shumë se dy vjet, këto realitete kanë ndryshuar ndjeshëm, duke përfshirë edhe në aspektin ligjor”, theksoi Lavrov.
Më tej Lavrov shton se rendi botëror duhet të përshtatet me realitetet aktuale. Sot bota po përjeton “momentin multipolar”. Zhvendosja drejt rendit botëror shumëpolar është një pjesë e natyrshme e ribalancimit të fuqisë, e cila reflekton ndryshime objektive në ekonominë, financat dhe gjeopolitikën botërore, tha ai. Në intervistën për Newsweek, Lavrov përmendi edhe Kosovës si shembull të dështimit të mos respektimit të vendimeve të Organizatës së Kombeve të Bashkuara. (A2 Televizion)
A2 CNN Livestream
MUND TE LEXONI GJITHASHTU
