Anije të mbytura, por të mbushura me lëndë shpërthyese, kanë dalë në sipërfaqe pranë qytezës Prahovo në Serbi, si pasojë e tharjes së lumit Danub, nga temperaturat ekstreme të muajve të verës.
Katër anije të tjera, që datojnë para viteve 1950, kanë dalë në sipërfaqe në pjesën hungareze të Danubit, në Parkun Kombëtar Danub-Drava, ku niveli i ujit ishte vetëm 1,5 metra, shkruan A2 CNN.
Anijet e zbuluara në Serbi janë pjesë e qindra mjeteve lundruese ushtarake të flotës së Detit të Zi të Gjermanisë Naziste, e cila në vitin 1944 nisi të tërhiqej pas përparimit të forcave sovjetike. Shumë prej anijeve u shkatërruan nga vetë nazistët.
Në Budapest, niveli i Danubit të martën ishte 1,7 metra, gjithë sesi larg nivelit historik të ulët, 0,4 metra, të regjistruar në tetor 2018. Gjatë përmbytjeve, niveli i lumit arrin në mbi 6 metra, shkruan A2 CNN.
“Europa lindore po përjeton një thatësirë ekstreme dhe kushtet atmosferike po prekin bimësinë dhe bujqësinë”, thuhet në një raportim të Shërbimit Europian Klimatik, Copernicus.
Shirat e kësaj jave parashikohet që të rrisin sërish nivelin e lumit, çka do të përmbysë sërish anijet e epokës së errët të historisë së Europës. (A2 Televizion)
A2 CNN Livestream
MUND TE LEXONI GJITHASHTU
