Tjetër atentat ndaj Donald Trump, arrestohet një i dyshuar

Nga A2 CNN
15 Shtator 2024, 23:17 | Bota
Tjetër atentat ndaj Donald Trump, arrestohet një i dyshuar

Një person është arrestuar nga policia lokale në Florida, pasi shkëmbeu zjarr me agjentët e Shërbimit Sekret Amerikan, pranë fushës së golfit në Mar-a-Lago, ku ndodhej Donald Trump. 

Kandidati për President nuk ka probleme, por FBI deklaroi se ka nisur hetimet për atë që duket të jetë një tjetër atentat ndaj Trump-it. 

Teksa Trump po luante golf me një donator të fushatës së tij, agjentët panë tytën e një pushke që fshijej pas shkurrreve, raporton CNN, dhe qëlluan në drejtim të atentatorit disa herë. 

Më pas ai u largua, por u ndalua nga policia lokale teksa udhëtonte me makinën e tij. Të arrestuarit, tha policia, iu sekuestrua arma dhe një shënjestër. 

Pak javë më parë, Trump i mbijetoi një tjetër atentati, teksa po mbante një fjalim në Pensilvani. Ai mbeti i plagosur në vesh, ndërsa atentatori u vra nga agjentët e Shërbimit Sekret. (A2 Televizion)

A2 CNN Livestream

Latest Videos