Autoritetet meksikane kanë arrestuar një nga figurat kyçe të kartelit të drogës Sinaloa në qytetin verior të Culiacan, duke i dhënë një tjetër goditje kësaj bande që ka mbjellë dhunë dhe qindra viktima në vend.
Jose Angel Canobbio, i njohur me emrin e koduar “El Guerito”, ka qenë krahu i djathtë i Ivan Archivaldo Guzman, një nga djemtë e liderit të burgosur të kartelit, Joaquin “El Chapo” Guzman.
Forcat e sigurisë në Meksikë e kanë cilësuar këtë arrestim si një goditje të rëndësishme për kartelin Sinaloa, pasi Canobbio ishte përgjegjës për sigurinë e Ivan Guzman, duke e bërë atë një person kyç në strukturat e grupit kriminal.
Ky zhvillim ka ndodhur disa orë pasi Shtetet e Bashkuara të Amerikës e përfshinë kartelin Sinaloa në listën e Organizatave të Huaja Terroriste, një hap që sipas administratës Trump, do të mundësojë një luftë më të fuqishme kundër organizatave kriminale të mëdha. (A2 Televizion)
A2 CNN Livestream
MUND TE LEXONI GJITHASHTU
