Tragjedi në Nigeri! Shpërthen autoboti me naftë, 94 të vdekur

Nga A2 CNN
16 Tetor 2024, 15:37 | Bota

Tragjedi në Nigeri! Shpërthen autoboti me naftë, 94 të

Një tragjedi e rëndë ndodhi në Nigeri, kur një kontejner karburanti shpërtheu pas një aksidenti, duke lënë të paktën 94 të vdekur dhe 50 të plagosur, shkruan A2 CNN. Ngjarja ndodhi në qytetin Majia, rreth 530 kilometra në veri të kryeqytetit Abuja, kur drejtuesi i mjetit humbi kontrollin.

Sipas policisë lokale, incidenti ndodhi rreth orës 11:30 pasdite. Pas aksidentit, shumë banorë u grumbulluan për të mbledhur karburantin e derdhur në rrugë, duke rrezikuar jetën dhe humbur jetën.

Pamjet e siguruara nga Reuters tregojnë një zjarr të madh që u përhap përgjatë rrugës. Zyrtarët lokalë kanë organizuar një varrim masiv për viktimat e kësaj tragjedie.

Eksplozionet dhe aksidentet me makinat që transportojnë karburant janë mjaft të zakonshme në Nigeri, një vend që po përballet me krizën më të keqe ekonomike prej vitesh. Çmimet e karburantit janë rritur ndjeshëm vitin e kaluar dhe njerëzit shpesh dalin në rrugë për të mbledhur karburantin kur ka aksidente të tilla. (A2 Televizion)

A2 CNN Livestream

Latest Videos