Presidenti amerikan Donald Trump ka shtyrë me tre ditë vendosjen e tarifave 50% ndaj një sërë mallrash kanadeze, ndërsa SHBA dhe Kanada po përpiqen të finalizojnë një marrëveshje të re tregtare. Trump tha se tarifat, që pritej të hynin në fuqi mëngjesin e sotëm, janë pezulluar pasi dy vendet kanë arritur një marrëveshje në parim.
Kryeministri kanadez Mark Carney konfirmoi se është bërë progres i rëndësishëm, megjithëse mbetet ende punë për t’u përfunduar. Tarifat do të preknin importe kanadeze me vlerë rreth 20 miliardë dollarë.
Dy vendet kanë pasur mosmarrëveshje për tarifat amerikane ndaj automjeteve dhe shitjen e pijeve amerikane në provincat kanadeze. Sipas zyrës së Përfaqësuesit Tregtar të SHBA-së, marrëveshja do të përfshijë akses të gjerë në tregun kanadez për mallrat amerikane.
Trump tha gjithashtu se një marrëveshje përfundimtare mund të hapë rrugën për rikthimin e projektit të naftës Keystone XL, të kundërshtuar prej kohësh nga ambientalistët dhe grupet indigjene. (A2 Televizion)
A2 CNN Livestream
MUND TE LEXONI GJITHASHTU
