Policia franceze ka arrestuar pesë të dyshuar të tjerë të lidhur me vjedhjen e thesareve me vlerë 102 milionë dollarë nga galeria Apollo e muzeut të Luvrit.
Kështu njofton prokurorja e Parisit, ndërsa sqaron se zhvillimet e fundit mund ta ndihmojnë në gjetjen e xhevahirëve. Laure Beccuau, i tha stacionit radiofonik RTL se të dyshuarit, njëri prej të cilëve u identifikua nëpërmjet gjurmëve të ADN-së të lëna në vendin e krimit, ishin arrestuar në operacione të koordinuara në pjesë të ndryshme të kryeqytetit, shkruan A2 CNN.
Pak para se të kryheshin arrestimet e fundit, prokurorja zbuloi se dy persona të tjerë të ndaluar gjatë fundjavës në lidhje me grabitjen kishin “pranuar pjesërisht” përfshirjen e tyre në grabitje. Katër persona kryen grabitjen, por prokurorja ka thënë se nuk e përjashton përfshirjen e mundshme të një rrjeti më të gjerë, përfshirë një person që mund të ketë urdhëruar vjedhjen dhe të ketë qenë truri pas saj. (A2 Televizion)
A2 CNN Livestream
MUND TE LEXONI GJITHASHTU
