Parlamenti europian votoi pro një skeme që do t’u mundësonte grave nga vende ku aborti është i kufizuar të ndërpresin shtatzëninë në një shtet tjetër anëtar, pa pagesë.
Nisma qytetare “My Voice, My Choice” propozon krijimin e një fondi nga buxheti i BE-së për të mbuluar këto procedura për persona nga vende me ndalime pothuajse totale, si Malta dhe Polonia, apo nga vende ku aborti është i vështirë për t’u aksesuar, si Italia dhe Kroacia.
Ndërsa prirja në Evropë ka qenë drejt rritjes së aksesit në abort, me Mbretërinë e Bashkuar që e ka dekriminalizuar dhe Francën që e ka bërë një të drejtë kushtetuese, ka pasur një rritje të mbështetjes për partitë e ekstremit të djathtë, shumë prej të cilave kundërshtojnë abortin, shkruan A2 CNN.
Pas votimit në parlament me 358 vota pro dhe 202 kundër, Komisioni Evropian pritet të vendosë në mars nëse do ta miratojë propozimin, megjithëse nisma të tjera qytetare nuk kanë qenë gjithmonë të suksesshme. (A2 Televizion)
A2 CNN Livestream
MUND TE LEXONI GJITHASHTU
