Precedenti i Shqipërisë, pas dhunës së tifozëve në Beograd më 14 tetor 2014, do të përdoret si argument për sherrin masiv që u regjistrua në ndeshjen Nice-Marseille. Në distancën e 7 vjetëve, Ligue 1 ka përjetuar një ngjarje të pazakontë.
Goditja e Payet me shishe nga tifozët dhe reagimi i futbollistit, duke goditur mbrapsht drejt tribunës ultras, bëri që situata të dilte nga kontrolli.
Pas ngjarjes ku nuk munguan grushtet dhe shkelmat, Prokuroria e Nicës nisi hetimin, edhe pse për momentin nuk ka asnjë të ndaluar. Paralelisht edhe Komisioni i Disiplinës ka nisur hetimin, për të përcaktuar përgjegjësit.
Marseille refuzoi të kthehej në fushën e lojës, me ndeshjen që u braktis. Klubi i Nice akuzon futbollistët kundërshtarë, që shkaktuan episodet e dhunshme pasi reaguan ndaj provokimit të tifozëve.
Në anën tjetër, te Marseille këmbëngulin se në stadium nuk ekzistonin kushtet për të garantuar sigurinë gjatë ndeshjes dhe vazhdimin e lojës. Liga e futbollit vendosi që ndeshja duhej të luhej dhe sipas rregullores, me refuzimin për tu kthyer në fushë, Marseille rrezikon të humbasë 3-0 në tavolinë.
Te Marseille besojnë se do të gjejnë të drejtën edhe në Gjykatën e Arbitrazhit Sportiv. Argumentet e tyre mbështeten te precedenti i Shqipërisë që me gjithë vendimet e pafavorshme nga komisionet e UEFA-s, e fitoi ndeshjen e Beogradit në tavolinë me vendim te CAS në Lozanë. (A2 Televizion)
A2 CNN Livestream
MUND TE LEXONI GJITHASHTU
