2 shqiptarë janë mes 9 personave të arrestuar si pjesë e një operacioni antidrogë nga policia e Mesinës në Itali. Ata dyshohet të jenë pjesë e një organizate kriminale që menaxhonte trafikun e drogës mes Shqipërisë, Emilia Romanjës, Abrucos, Kalabrisë dhe Siçilisë.
Hetimet, të koordinuara nga Drejtoria e Departamentit Anti-Mafia të Prokurorisë Publike, vunë në shënjestër lëvizjet e anëtarëve të një familje nga Mesina, babait dhe dy djemve, të cilët bënin udhëtime me qëllim trafikun e lëndëve narkotike. Gjatë bastisjeve, u konfiskuan mbi 105 kilogramë marjuanë, ndërsa në pranga përfunduan edhe 2 korrierë.
Grupi kriminal sipas mediave italiane, e kishte bazën në Mesina dhe furnizohej me lëndë narkotike nga Shqipëria dhe Abruco. Në rrjet ishin përfshirë edhe dy furnizues shqiptarë, të cilët transportonin ngarkesat e drogës dhe i dërgonin ato në qytetin e Mesinës. (A2 Televizion)
A2 CNN Livestream
MUND TE LEXONI GJITHASHTU
