Reshjet e dëborës janë rikthyer në juglindje të vendit gjatë natës së fundit. Dëbora ka përfshirë zonën e Përrenjasit, segmentin Qafë Thanë- Pogradec si dhe aksin Qukës-Qafë Plloçë, ku pika më e lartë është në zonën e tuneleve.
Sipas raportimeve, në disa zona trashësia e dëborës ka arritur rreth 15-20 cm.
Reshje dëbore janë regjistruar gjithashtu edhe në fshatrat turistikë të Dardhës, Voskopojës dhe Vithkuqit.
Gjithashtu reshje bore janë regjistruar edhe në Kolonjë.
Deri më tani nuk raportohen probleme në qarkullimin rrugor, ndërsa autoritetet kontraktore dhe mjetet borëpastruese vijojnë të jenë në terren për të mbajtur të hapura akset kryesore.
(A2 Televizion)
Galeria fotografike ( )
A2 CNN Livestream
MUND TE LEXONI GJITHASHTU
