Policia ka shtuar kontrollet në disa prej akseve kryesore të qytetit të Vlorës, në kuadër të masave të marra për garantimin e sigurisë gjatë fundjavës.
Një nga pikat e kontrollit është vendosur në rrethrrotullimin e Transballkanikes, ku efektivët ndalojnë automjete dhe kryejnë verifikime ndaj drejtuesve dhe pasagjerëve, shkruan A2CNN.
Në fokus të kontrolleve janë veçanërisht automjetet me xhama të zinj, ndërsa Policia po verifikon edhe identitetin e personave që udhëtojnë në to, me qëllim evidentimin e personave në kërkim apo të rasteve të posedimit të paligjshëm të armëve.
Kontrolle të ngjashme po zhvillohen edhe në pika të tjera të Vlorës, me praninë e shtuar të efektivëve në rrugët kryesore të qytetit.
Masat synojnë parandalimin e veprimtarive të paligjshme, kapjen e personave të kërkuar dhe rritjen e sigurisë publike gjatë fundjavës. (A2 Televizion)
A2 CNN Livestream
MUND TE LEXONI GJITHASHTU
