Gjashtë raste të përndjekjes ose linçimit përmes profileve false në rrjetet sociale, kryesisht nga djemtë përkundrejt vajzave, janë regjistruar nga policia në kryeqytet në 24 orët e fundit.
Policia bën me dije se ka nisur procedimi në gjendje të lirë për katër nga këto raste, ndërsa një prej përndjekësve është shpallur në kërkim, ndërsa një 22-vcjeçar ka përfunduar në pranga.
“Specialistët për Hetimin e Krimeve Ekonomike dhe Financiare referuan materialet në Prokurori, ku nisi procedimi në gjendje të lirë për shtetasit:
-V. T., 20 vjeçe, pasi dyshohet se ka hapur në rrjete sociale, dy profile false, me të dhënat e një 21-vjeçareje;
-F. D., 35 vjeç, pasi dyshohet se ka hapur në rrjete sociale, një profil me fotografitë e një 42-vjeçareje;
-G. J., 46 vjeç, pasi bazuar në kallëzimin e bërë nga një 46-vjeçare, ky shtetas bën komente fyese në profilin e saj në rrjete sociale;
-D. Xh., 29 vjeç, pasi dyshohet se ka përndjekur në rrjete sociale, një 30-vjeçar;
-shpallën në kërkim shtetasin G. Q., 52 vjeç, pasi dyshohet se ka hapur në rrjete sociale, një profil fals me atë të të cilit përndjek një 41-vjeçare.
Specialistët për Hetimin e Krimeve të Komisariatit të Policisë Nr. 1 arrestuan shtetasin H. V., 22 vjeç, pasi dyshohet se ka përndjekur një 21-vjeçare”, njofton policia. (A2 Televizion)
A2 CNN Livestream
MUND TE LEXONI GJITHASHTU
