
Një aksident me pasojë vdekjen e një personi është regjistruar pasditen e sotme në aksin rrugor Strum–Roskovec.
Sipas informacionit paraprak, rreth orës 17:20, automjeti me drejtues shtetasin F. D. është përplasur me një tjetër automjet që drejtohej nga shtetasi B. C., si dhe me motomjetin që drejtohej nga K. H., 33 vjeç, banues në Strum, shkruan A2 CNN.
Nga përplasja e fortë ka humbur jetën drejtuesi i motomjetit. (A2 Televizion)
