Aksident në Elbasan| Makina përplas këmbësorin te vijat e bardha, niset me urgjencë në spital

Një aksident automobilistik ka ndodhur pasditen e sotme në Elbasan, në bulevardin "Qemal Stafa", vendi i quajtur "Tatimet"

Sipas burimeve për A2 CNN, që ka siguruar edhe pamje nga vendngjarja, një automjet ka përplasur te vijat e bardha një këmbësor, 54-vjeçar.

Po ashtu mësohet se nga përplasja këmbësori ka mbetur i dëmtuar dhe është dërguar me urgjencë në spital, për të marrë ndihmë mjekësore.

Ndërkohë që nuk dihet gjendja e të plagosurit, policia ndodhet në vendngjarje dhe po punon për zbardhjen e plotë të rrethanave të aksidentit.

Kujtojmë se ky aksident në atë vend nuk është një rast i veçuar, por një rast i përsëritur, pasi aty kanë ndodhur edhe aksidente të tjera.

Njoftimi i Policisë:

Elbasan/Informacion paraprak

Rreth orës 17:45, në bulevardin "Qemal Stafa", vendi i quajtur "Tatimet", automjeti me drejtues shtetasin K. Sh., 30 vjeç, ka përplasur shtetasin Sh. Ll., 54 vjeç, këmbësor. 54-vjeçari është dërguar për ndihmë mjekësore në spitalin e Elbasanit, jashtë rrezikut për jetën.

Me drejtuesin e automjetit shtetasin K. Sh., po kryhen veprimet e mëtejshme procedurale.

Grupi hetimor po punon për përcaktimin e rrethanave të aksidentit. (A2 Televizion)