Në seancën e së martës për dosjen “Plumbi i Artë”, Elton Kila dha dëshminë e tij për njohjet dhe marrëdhëniet me Florenc Çapjan dhe Suel Çelën, familjarët e tyre, si dhe shtetasin Luan Tabaku.
Kila: Kam pasur pak njohje me Florenc Çapjen.
Ndërsa Suel Çelën e njoh që kalama. Njihemi të gjithë në Elbasan.
Kam pasur edhe marrëdhënie për shkak të punës, kam shitur kam blerë.
Me Suelin njihem se familja e Suelit kanë qenë komshi përballë me bashkëshorten time.
Kam njohje edhe me familjarët e tij, të atin Petritin dhe vëllain, Marion.
Kila: Në lidhje me ngjarjet ndaj meje nuk flisja as me vëllezërit e mi.
Kur u përfol emri im, që kanë shkruar gazetat, ka paguar Suel Çela për mua, kam kërkuar takim tek tregu ushqimor. Takova babain e tij, Titin. Erdhi edhe vëllai pastaj.
Me vërte, më tha ai (Petriti), je bërë merak për këtë. Unë gjysmë i qetë isha, pasi nuk e besova që mund të ishte e vërtetë.
Kila: Shtetasin Luan Tabaku e njoh. Kam 30 vjet që e njoh. Ai ka qenë funksionar shtetëror. E kemi pasur në lagje. Nuk e di a e njeh Tabaku familjen Çela.
Kila: Në lidhje me ngjarjet nuk e kam takuar Suel Çelën. (A2 Televizion)
A2 CNN Livestream
MUND TE LEXONI GJITHASHTU
