
Një 29-vjeçar është ekstraduar nga Interpol Tirana për në Austri këtë të hënë.
Mësohet se Mondi Gitlan rezulton i dënuar me 5 vjet burgim, për trafikim të lëndëve narkotike.
“Si rezultat i koordinimit të veprimeve operacionale ndërmjet specialistëve të Drejtorisë së Interpol Tiranës, me homologët në Austri, u finalizua procedura për ekstradimin nga Shqipëria, në Austri, të shtetasit Mondi Gitlan, 29 vjeç, banues në Maqedoninë e Veriut. Ai kërkohej ndërkombëtarisht sepse Gjykata e Vjenës, në muajin maj, 2025, e ka dënuar me 5 vjet burgim, për trafikim të lëndëve narkotike”, njofton policia. (A2 Televizion)
