Drejtoria Vendore e Policisë Elbasan ka njoftuar se specialistët për Hetimin e Krimeve të Komisariatit po vijojnë hetimet lidhur me ngjarjen e ndodhur më 28.11.2025 në lagjen “Vullnetari” të qytetit të Elbasanit.
Nga veprimet e kryera rezulton se disa ditë më parë kishte ndodhur një konflikt për motive të dobëta midis shtetasve E. C., 24 vjeç, dhe B. B. (E. Ç.), 48 vjeç., gjatë të cilit shtetasi E. C. ka dëmtuar xhamin e automjetit të shtetasit B. B.
Më 28 nëntor 2025, ky konflikt u shtrirë duke përfshirë edhe shtetasit Xh. B., 40 vjeç, dhe Sh. B., 50 vjeç., të afërm të B. B., ku dyshohet se është qëlluar me armë zjarri në drejtim të banesës së shtetasit F. P., 66 vjeç., ku banon E. C. Shtetasi E. C. nuk ka kallëzuar ngjarjen, ndërsa shtetasi D. K., 47 vjeç., dyshohet se ka fshirë pamjet e kamerave të sigurisë së banesës së tij, duke penguar zbardhjen e plotë të ngjarjes, shkruan A2 CNN.
Si rezultat i hetimeve:
B. B. (E. Ç.), 48 vjeç, D. K., 47 vjeç, dhe E. C., 24 vjeç, janë referuar në Prokurori dhe ka nisur procedimi penal ndaj tyre.
Xh. B., 40 vjeç, dhe Sh. B., 50 vjeç, janë shpallur në kërkim.
Policia njofton se punon intensivisht për kapjen e shtetasve të shpallur në kërkim dhe apelon tek qytetarët për çdo informacion që mund të ndihmojë në zbulimin e tyre. (A2 Televizion)
A2 CNN Livestream
MUND TE LEXONI GJITHASHTU
