Ish-kandidati i Partisë Demokratike për deputet, Ilir Alimehmeti, ka zbuluar në studion e emisionit ‘Terminal’ me gazetaren Aurora Sulçe në A2 CNN më shumë detaje mbi takimin e zhvilluar me ish-deputetin Ervin Salianji dhe disa nga ish-kandidatët më të votuar të PD-së.
Alimehmeti tha gjatë fjalës së tij se takimi kishte për qëllim forcimin e Partisë Demokratike, teksa shtoi se ata kishin edhe disa propozime konkrete që do t’i paraqisnin në strukturat e partisë.
Teksa kritikoi kupolën e PD për mos-mbledhjen e forumeve të kësaj force politike, Alimehmeti shtoi se qëllimi i tyre nuk ishte të krijonin një lëvizje apo parti të re, por të evidentonin problematikat e PD-së.
Ai foli hapur kur tha se takimi nuk ishte spontan, teksa shtoi se PD duhet të forcohet në mënyrë që ta rrëzojë një orë e më parë qeverinë Rama, të cilën e cilësoi si të korruptuar.
“Takimet mes demokratëve vazhdojnë. Formati i takimit ishte diçka miqësore. Që të jemi shumë të qartë, nuk është se funksionojnë zyrat e partive. Ne kemi zakone shqiptare, takimet kryesisht i bëjmë nëpër kafe. Takimi ishte një ventilim mbi problematika që ne kemi, që demokratët kanë. Unë mbështes demokracinë nga poshtë-lartë. Kush është demokracia nga poshtë-lartë? Më të votuarit janë.
E atëherë më të votuarit mblidhen bashkë dhe diskutojnë një diçka të përbashkët që ka problematika. Dhe zbuluar që pak a shumë problematikat ishin të ngjashme në të gjithë qarqet. Nuk është as lëvizje e re, as fraksion i ri, as forcë e re politike, por diskutim mes demokratësh dhe të votuarish sesi ta forcojmë këtë forcë, si t’i bëjë ballë këtij regjimi dhe si ta hedhë një orë e më parë.
Kjo është ajo që diskutojmë mes nesh. Patjetër që ne kemi propozimet tona që mund t’i çojmë përmes Këshillit Kombëtar kur të mblidhet, përmes Kryesisë se ajo mblidhet, përmes Grupit Parlamentar, sepse aty deputet nuk kishte se ata kanë forumet e tyre ku mund të diskutojnë, kurse ne s’kemi.
Forumet tona nuk mblidhen, kështu që e vetmja mënyrë që të dëgjoheshim njëri me tjetrin ishte një format miqësor, një takim, s’po e quaj spontan, por krejt normal ventilues. Por edhe njëherë jo koncept i këtij tipi, sepse ka vuajtur PD përçarje prej vitesh. Ne kërkojmë forcimin e PD-së”, tha mes të tjerash Alimehmeti. (A2 Televizion)
A2 CNN Livestream
MUND TE LEXONI GJITHASHTU
