Partia Demokratike po përjeton ditë të trazuara, mes takimesh të fshehta, deklaratave kontradiktore dhe një gare që po merr formë për prillin e vitit 2026. Takimi i fundit mes Ervin Salianjit dhe Ilir Ali Mehmetit, i cilësuar fillimisht si një “kafe mes miqsh”, ka ndezur diskutimet për lëvizjet që po marrin jetë brenda PD-së, përtej kupolës së saj drejtuese.
Megjithëse pjesëmarrësit u nxitën të minimizonin gjithçka sapo lajmi u bë publik, dinamika e zhvillimeve tregon krejt të kundërtën. Sipas gazetarit të A2 CNN, Anesti Barjamemaj, kjo është vetëm një hallkë në një sërë takimesh që Salianji ka zhvilluar këto muaj me bazën demokrate, që nga Tirana në Durrës, Korçë e deri në veri e jug të vendit.
Në këtë itinerar tashmë është bashkuar edhe Ilir Alimehmeti, i cili nuk ka fshehur pakënaqësinë ndaj mënyrës sesi po drejtohet partia dhe e ka cilësuar këtë nismë si një lëvizje që po lind paralelisht me drejtimin aktual. Ndërsa të tjerët, që nuk janë ftuar, shprehen se bëhet fjalë për një kafe pa qëllim politik.
Por gjithçka lidhet me një datë: prillin e vitit 2026, kur sipas statutit mbaron mandati i Sali Berishës si kryetar. Pavarësisht se nga zgjedhjet e 2025-s duhej të kishte dhënë dorëheqjen, Berisha e shtyu këtë afat duke pritur raportin e OSBE/ODIHR. Sot ai deklaron se do të rikandidojë.
Në të njëjtën kohë, burime brenda PD-së flasin për një garë të hapur ku priten kandidatura edhe nga Salianji apo Alimehmeti. Ndaj, takimet e tyre të shpeshta me bazën po lexohen si përgatitje e qartë për betejën e ardhshme. (A2 Televizion)
A2 CNN Livestream
MUND TE LEXONI GJITHASHTU
