Në komunikimin me përdoruesit e rrjeteve sociale, Berisha tregoi që javën e ardhshme foltorja do të zhvendoset në qytete të tjera. Ndërsa pranoi që brenda PD ka pakënaqwsi, por sipas tij zgjidhja më e mirë është bashkimi dhe jo përçarja.
Javën e ardhshme , PD po planifikon të zhvendosë zhvendosë foltoren e protestës në jashtë Tiranës. Këtë e lajmëroi vetë Sali Berisha gjatë bashkëbisedimit me përdoruesit e rrjeteve sociale.
“Këtë javë fillojmë foltoret jashtë Tirane dhe do të vazhdojmë në të gjithë vendin”, tha Berisha.
Ndjekësit e tij i kërkojnë të largohet nga drejtimi i PD, por Berisha nuk e ka një plan të tillë.
“Nuk është se opozita nuk ka dobësi, por në kushtet e një narkodiktature, dhe në rast se PD angazhohej në debatin e brendshëm, gjithçka i shkonte në interes Edi Ramës”.
Kryetari i PD që të pranojë që në partinë që ai drejton ka pakënaqësi.
“Kandidatët e primareve në tërësi i kam takuar ose i kam telefonuar. Vetë Salianji ka qenë disa herë në këtë zyrë, Ilir Alimehmeti edhe më shpesh. Në këtë kontekst askush nuk është i përjashtuar në këtë parti. Po ka patur një problem serioz dhe ky problem ka qenë angazhimi ynë total në mbrojtjen e votës".
Agravimin e kësaj situate, Berisha e justifikon me faktin që ai gjatë kësaj kohe ka qenë i fokusuar të mbrojtja e votës, duke neglizhuar në këtë mënyrë edhe këtë situatë.
Duke kujtuar bashkimin pas përplasjes së demokratëve me 8 janar, Berisha kujdeset që të mos tregohet i ashpër me “rebelët”, por ngre flamurin e bardhë. Mohon që anëtarja e partisë që debatoj me Flamur Nokën të jetë përjashtuar.
“PD do të bëjë përpjekje për zgjedhjet më transparente dhe me integritet më të lartë. Por jo përçarja, por bashkimi është rruga, pavarësisht se na pëlqen apo jo, por rruga e vetme për të arritur qëllimet. Në këtë kontekst, në rast se ne kemi pasur përplasje të brendshme, kapërcimi i tyre në vlerësimin dhe bindjen time më të thellë, ishte akti më i përgjegjshëm që ne bëmë para shqiptarëve”.
Në këtë komunikim nuk mund të mungonin akuzat ndaj kundërshtarit politik, duke e akuzuar që po i bën presion GJK për pezullimin nga detyra të zv/kryeministres Belinda Balluku nga drejtësia.
"Edi Rama po bën gjithçka, çdo presion që Gjykata Kushtetuese të vendosë në kundërshtim flagrant me ligjin dhe në kundërshtim me normat dhe standardin europian, kjo është e vërteta". (A2 Televizion)
A2 CNN Livestream
MUND TE LEXONI GJITHASHTU
