Kreu i Partisë Demokratike, Sali Berisha, ka mbajtur një qëndrim të ashpër në Kuvend gjatë lidhur me raportin vjetor të integrimit të bërë nga Parlamentit Europian. Berisha kërkoi leximin e plotë të raportit në seance, duke akuzuar mazhorancën se po mashtron qytetarët, raporton A2CNN.
“Ky është një akt jashtëzakonisht i rëndë në një moment shumë të rëndësishëm për shqiptarët dhe Shqipërinë. Ju paraqisni një raport që s’guxoni ta lexoni, dhe vendosni në mënyrë anti-kushtetuese që raporti mos lexohet, që qytetarët mos njihen me mashtrimet tuaja. Kërkoj të tërhiqet menjëherë raporti. Raporti është fund e krye mashtrime, e burokraci. Sa u përket performances të gjitha janë trillime. Raporti duhet të lexohet këtu dhe mbi bazën e raportit të lexuar të bëhen diskutimet dhe pastaj të votohet rezuluta. Si ka mundësi të diskutojmë për një raport që ju ua fshini qytetarëve. Sepse e keni mbushur me mashtrime. Të dashur qytetarë e kanë mbushur fund e krye me mashtrime, nuk guxojnë t’i dalin për zot raportit”, tha Berisha.
Nga ana tjetër, Kreu i Kuvendit Niko Peleshi sqaroi procedurën parlamentare, duke theksuar se dokumenti nuk lexohet në seancë plenare. “Raporti lexohet në komisionet parlamentare, këtu votohet rezoluta.” (A2 Televizion)
A2 CNN Livestream
MUND TE LEXONI GJITHASHTU
