Një në shtatë adoleshentë evropianë vuan nga çrregullime mendore sipas një studimi të UNICEF, organizatës së OKB për fëmijët.
Afërsisht gjysma e të gjitha problemeve të shëndetit mendor globalisht shfaqen pak a shumë para moshës 18-vjeçare, shkruan A2.
Sipas këtij raporti shumë fëmijë janë të mbushur me ankth, trishtim apo dhimbje, duke qenë të pasigurt për veten e tyre.
Apeli është që të kujdesemi që këto çrregullime të identifikohen dhe trajtohen në kohë dhe që komunitetet dhe institucionet të kujdesen për krijimin e një rrjeti për të mbështetur më të cenuarit, raporton A2.
Sipas raportit të UNICEF-it rreth 11,2 milionë fëmijë dhe të rinj të moshës 19 vjeç (5,9 milionë meshkuj dhe 5,3 milionë femra) në Bashkimin Evropian vuajnë nga një problem i shëndetit mendor. (A2 Televizion)
A2 CNN Livestream
MUND TE LEXONI GJITHASHTU
