Inter fitoi 4-0 në fushën e Leçe, duke i’u përgjigjur fitores së Napolit përballë Juventusit. Zikaltërit ruajtën hapin e kryesuesve dhe u ngjitën në kuotën e 50 pikëve në renditje.
Skuadra e Inzaghit e dominoi lojën prej minutave të para. Në të 6-ën, Frattesi e dërgoi topin në rrjetë, pas aksionit fantastik të Thuram.
Për të mbyllur virtualisht ndeshjen mendoi Lautaro Martinez. Në të 39-ën kapiteni realizoi në mënyrë fantastike, me një predhë në hyrje të zonës.
As aktivizimi i Ramadanit në mesfushë nuk e ndihmoi Leçe-n, që ishte e pafuqishme përballë supremacisë së Interit. Në fraksionin e dytë të lojës, zikaltërit shënuan edhe me Dumfries dhe penalltinë e Taremi.
“Pokeri” i golave konfirmoi një sfidë pa histori, teksa trajneri Simone Inzaghi festoi fitoren numër 200 si trajner në Serie A italiane. Kjo ishte fitorja e tetë me radhë jashtë fushe për Interin në kampionat dhe e gjashta pa pësuar gol. (A2 Televizion)
A2 CNN Livestream
MUND TE LEXONI GJITHASHTU
