Disa supermarkete në Britaninë e Madhe po vendosin limite për klientët e tyre në blerjen e vajit të gatimit, në një kohë kur furnizimi me këtë produkt është goditur për shkak të luftës në Ukrainë.
Linjat e marketeve “Waitrose” dhe “Morrisons” lejojnë vetëm dy shishe për çdo blerës, ndërkohë që Tesco e ka vendosur limitin në 3 shishe.
Pjesa më e madhe e vajit të lulediellit në Britani vjen nga Ukraina dhe ndërprerja e ekspertove ka çuar në mungesën e këtij produkti dhe rritjen e kërkesës për të gjetur alternativa për ta zëvendësuar.
Konsorciumi Britanik i Shitje me Pakicë deklaron se kjo masë është e përkohshme dhe është ndërmarrë vetëm për t’iu krijuar mundësinë të gjithëve të mos kenë mungesë të këtij produkti.
Sipas një analize të firmës “Assosia” reduktimi i furnizimit me vaj luledielli në disa raste ka shkaktuar dhe rritje të ndjeshme të çmimit të tij. (A2 Televizion)
A2 CNN Livestream
MUND TE LEXONI GJITHASHTU
