Vala e protestave në Iran, nuk jep sinjale zbutjeje ndërsa mijëra vetë mbushën rrugët për të shënuar 40 ditë që prej vrasjes së 22-vjeçares Mahsa Amini nga forcat e policisë.
Manifestimet e së mërkurës ishin më të mëdhatë që prej shpërthimit të trazirave, me policinë që qëlloi me armë zjarri ndaj protestuesve në Saqqez, qyteti ku jetonte Amini.
Të paktën 1 person u vra të mërkurën dhe një tjetër të enjten, dhjetë vetë janë vënë në pranga, mes të cilëve edhe 15 mjekë. Grua, jetë liri, dhe vdekje diktatorit ishin thirrjet e protestuesve.
Republika Islamike po e shtyp me forcë rebelimin, e sipas grupit për të drejtat e njeriut me bazë në Norvegji të paktën 234 protestues janë vrarë deri më tani, përfshirë 29 fëmijë.
Në një hetim ekskluziv, CNN hedh dritë mbi orët e fundit të adoleshentes, e cila ishte mes protestuesve të shumtë që dolën në rrugë pas vdekjes së Aminit.
Qeveria iraniane ka bërë një sërë deklaratash kontradiktore lidhur me rastin, duke thënë fillimisht se vdekja e vajzës nuk kishte lidhje mes protestat, por se ishte hedhur nga tarraca e një pallati.
Të mërkurën u tha se 16 vjeçarja, personazh i njohur në rrjetet sociale ishte vetëvrarë. Por pasi analizoi më shumë se 50 video dhe foli me 6 dëshmitarë, CNN zbuloi të dhëna se 16-vjeçarja ishte ndjekur dhe shoqëruar me forcë në një furgon policie pak orë para se të zhdukej e të shpallej e vdekur. (A2 Televizion)
A2 CNN Livestream
MUND TE LEXONI GJITHASHTU
