Leku ka vazhduar të forcohet ndaj valutave të tjera edhe gjatë mesjavës, por me një ritëm më të moderuar, teksa agjentët e tregut janë në pritje të zhvillimeve në ditët në vijim. Sipas Bankës së Shqipërisë, valuta europiane këmbehet sot për 104.55 lekë, duke humbur 0.3 pikë ndaj monedhës tonë kombëtare dhe duke vendosur një tjetër rekord të ri. Valutat e tjera ndërkohë raportohen po ashtu në rënie të lehtë nga ana e Bankës Qendrore, ku një dollar këmbehet me 95.99 lekë, paundi britanik është i barabartë me 121.96 lekë, ndërsa franga zvicerane regjistroi rënien më të fortë të ditës, tashmë në kuotën e 106.85 lekëve. Producentja ekzekutive për biznesin në A2CNN, Aurora Sulçe shpjegoi në “Ditari” trendin në ecurinë e kursit të këmbimit dhe ndikimin e dobësimit të euros në ekonomi. (A2 Televizion)
A2 CNN Livestream
MUND TE LEXONI GJITHASHTU
