Juventus arrin fitoren ndaj Breshës të Mario Balotellit duke luftuar për 90 minuta, por duke merituar në fund trepikëshin që për momentin e dërgon në majën e klasifikimit të Serie A.
Djemtë e Sarrit e gjejnë veten në dizavantazh qysh në minutat e para, kur një gjuajtje e fortë e sulmuesit Donnarumma (që nuk është kushëri me portierin e Milanit) surprizon portierin polak Szczesny, që duket pothuajse e i frikësuar dhe nuk reagon siç duhet.
Juve fillon të reagojë, por Bresha luan si e barabartë, dhe nuk rrezikon shumë. Cristiano Ronaldo nuk luan për një problem muskulor, në vendin e tij Dybala përpiqet po pa rezultate konkrete. Atëherë barazimi vjen nga një goditje këndi ku portieri i Breshës devijon topin te mbrojtësi i tij duke shkaktuar autogol në minutën e 40-të.
Pjesa e dytë fillon me raste të shkëlqyera të Juves me anë të francezit Raboit, Higuain dhe Dybala.
Në të 63-ën, një goditje dënimi i Dybalës në mur mundëson gjuajtën e “hidhur “karakteristike të boshnjakut Pjanic, që dyfishon rezultatin.
Bresha nuk dorëzohet, Balotelli duhet të përmirësojë gjendjen fizike por është shpesh herë i rrezikshëm, dhe Szczesny bën një mrekulli ndaj Martellës, duke mbajtur rezultatin pozitiv për kampionët në fuqi. (A2 Televizion)
A2 CNN Livestream
MUND TE LEXONI GJITHASHTU
