Pandemi globale e Covid-19 ka fshirë afërsisht 200 milionë euro nga eksportet e mallrave shqiptarë jashtë vendit; nga të cilat sektori më i goditur është industria e prodhuesve të veshjeve dhe këpucëve, me një rënie vjetore prej 103 milionë eurosh për 5 muajt e parë të vitit.
Tregtia me partnerin kryesor, Italinë, i goditur rëndë nga kriza shëndetësore, është edhe ajo që ka pasur rënien më të madhe, ndjekur nga një rënien e fortë shkëmbimesh edhe me fqinjët e Kosovës dhe Greqisë.
Sektori që ka arritur t’i mbijetojë krizës është vetëm industria ushqimore, që në 5 muaj ka shitur mbi 120 milionë euro produkte, kryesisht fruta dhe perime të freskëta.
Ndërsa sipas të dhënave të INSTAT, në rritje figurojnë edhe eksportet e grupit “Makineri, pajisje dhe pjesë këmbimi”, por që duhet lexuar si një largim i makinerive të angazhuara në investime publike dhe private në vend.
Nga ana tjetër, kriza e konsumit që ka shoqëruar si efekt pandeminë, ka ulur ndjeshëm edhe importet e mallrave drejt tregut vendas, me përjashtim të produkteve ushqimore. (A2 Televizion)
A2 CNN Livestream
MUND TE LEXONI GJITHASHTU
