Deputeti i PD Xhelal Mziu ka debatuar me gazetarin Osman Stafa lidhur me kërkesat e studentëve dhe protestat kundër qeverisë.
Gjatë replikave, Mziu deklaroi se çdo përpjekje për të zbehur protestën apo për të ndryshuar fokusin e saj i shërben palëve të tjera, duke theksuar se kërkesa kryesore e studentëve është dorëheqja e parevokueshme e kryeministrit Edi Rama.
Nga ana tjetër, gazetari Stafa ndërhyri duke thënë se kërkesat e protestuesve shkojnë përtej largimit të kryeministrit dhe përfshijnë edhe largimin e klasës politike 36-vjeçare.
Kjo deklaratë solli përplasje mes tyre, ku Mziu tha se gazetari po merret më shumë me Berishën se sa me Ramën.
DEBATI
Mziu: Nëse dikush vendos bishta apo tentojë ta sfumojë protestën absolutisht bën lojën e dikujt tjetër. Studentët kërkojnë dorëheqjen e parevokueshme të kryeminstrit
Stafa: Edhe largimin e klasës politike 36-vjeçare
Mziu: Këtë e thua ti
Stafa: E thonë studentët…
Mziu: Unë me studentët rri më shumë se sa ti.
Stafa: Nuk ka shans.
Mziu: Ti ske shans, mos e monopolizo situatën që ke dalë në protestë.
Stafa: Të gjithë shqiptarët e dinë se çfarë qeverie kanë sot. Protestuesit s’e kanë vetëm me qeverinë, e kanë edhe me, pse thonë ‘Berisha në burg’?!
Mziu: Po përmend më shumë Berishën se sa hajdutin!
Stafa: Hape minutazhin. Mos bëj zhurmuesin!
Mziu: Nëse ti abuzon në këtë mënyrë... (A2 Televizion)
A2 CNN Livestream
MUND TE LEXONI GJITHASHTU
