Policia italiane ka vënë në pranga dy persona të cilët dyshohet se janë autorët e grabitjeve të shtëpive të futbollistëve të njohur Hakan Çalhanoglu dhe Stefano Sensi.
Të arrestuarit janë me kombësi kroate, të cilët dyshohet se janë po ashtu autorët e grabitjes së banesën e influencueses Chiara Biasi. Vjedhjet dyshohet se kanë ndodhur midis tetorit 2021 dhe shkurtit 2022 dhe dëmi i shkaktuar vlerësohet të jetë 500 mijë euro.
Dy burrat u arrestuan nga policia e Milanos ndërsa po kalonin drejt Kroacisë. Ata u identifikuan nga një gjurmë gjaku e lënë në shtëpinë e njërës prej shënjestrave nga njëri prej dy burrave, i cili kishte precedentë penalë dhe për këtë arsye ishte futur në bazën e të dhënave të policisë.
Sipas hetimeve, dy të arrestuarit kontrollonin rrjetet sociale të njerëzve të famshëm për të monitoruar lëvizjet e tyre dhe më pas hynin në banesa. (A2 Televizion)
A2 CNN Livestream
MUND TE LEXONI GJITHASHTU
