Erling Haaland e ka mbyllur në mënyrën më të mirë aventurën e tij tek skuadra e Dortmund. Në duelin e fundit në Bundesligë, futbollisti norvegjez ka siguruar ne fitoren 2-1 të skuadrës së tij përballë Hertha Berlinit në Signal Iduna Park.
Në fillim të ndeshjes bomberi norvegjez, përshëndeti tifozët pas dy sezonesh e gjysmë. Për shkak të lidhjes së fort që Haaland kishte krijuar me tifozët këta të fundit e kanë surprizuar dhe e kanë duartrokitur gjatë lojtarin në shenje falënderimi dhe mirënjohje për gjithë atë që ai ka dhënë për fanellën verdhezi.
Dhe këtë Haaland ja shpërbleu në mënyrën më të mirë pasi në minutën e 68 shënoi dhe golin e barazimit për të rihapur ndeshjen.
Nga 1 korriku ai do të jetë lojtar më i ri i Manchester City, pasi u ble nga skuadra e Pep Guardiolës për shumën e 79 milionë euro. Norvegjezi do të jetë futbollisti më i paguar te “Të Kaltrit” e Mançesterit. (A2 Televizion)
A2 CNN Livestream
MUND TE LEXONI GJITHASHTU
