Një foto e Eden Hazard gjatë ndeshjes miqësore ndaj Egjiptit, e postuar nga Federata Belge e Futbollit në rrjetet sociale, është bërë virale në Belgjikë.
Menjëherë, komentuesit nuk ngurruan të vënë në dukje formën fizike të futbollistit të Real Madrid, i cili shihet me sy të lirë që i ka disa kilogramë më shumë.
“Si mund të jetë ky një futbollist profesionist?”, shkruan një nga komentuesit.
“Largojeni nga fusha Hazardin”, shprehet një tjetër.
Eden Hazard nuk luajti një ndeshje të mirë në humbjen e Belgjikës ndaj Egjiptit (2-1), por trajneri Roberto Martinez i dha shumë minuta, me shpresën se ylli i ekipit do të fitojë formën e duhur, të cilën e ka humbur me kohë për shkak të mosaktivizimit te Real Madrid. (A2 Televizion)
A2 CNN Livestream
MUND TE LEXONI GJITHASHTU
