Sekretari i Përgjithshëm i Organizatës së Kombeve të Bashkuara, Antonio Guterres u takua në Turqi me presidentin Erdogan, në një përpjekje diplomatike që zyrtari i lartë ka nisur për të përvijuar në shinat e duhura të negociatave mes Rusisë dhe Ukrainë.
Gjatë takimit, Guterres vlerësoi përpjekjet e Turqisë dhe liderit të saj në lidhje luftën në Ukrainë dhe arritjen e një marrëveshje të pranueshme nga të dyja palët.
Sipas komunikatës së Pallatit të Qelqtë, të dy liderët përsëritën angazhimin e tyre të përbashkët për të përfunduar sa më shpejt luftën dhe dhënies fund të dhimbjes së civilëve të pafajshëm.
Kreu i OKB pritet që të martën të shkojë në Moskë, ku do të takohet me presidentin rus Vladimir Putin dhe do të jetë i pranishëm në një drekë pune me ministrin e Jashtëm Sergei Lavrov.
Ndalesa e tij e fundit më pas do të jetë në Kiev të enjten, ku do të takohet me liderin ukrainas Volodymyr Zelensky dhe Ministrin e Jashtëm Dmytro Kuleba. (A2 Televizion)
A2 CNN Livestream
MUND TE LEXONI GJITHASHTU
