Një pjesë e mirë e personave të infektuar me koronavirus tregojnë sesi një nga simptomat përcjellëse të sëmundjes COVID-19 është humbja pothuajse totale e shijes.
Madje, tashmë edhe mjekët kanë filluat të pohojnë se pikërisht kjo simptomë mund të jetë e pranishme te pacientët e quajtur më parë si asimptomatikë.
Një shembull konkret dhe shumë domethënës vendosi ta shpërndajë në rrjetet sociale djali i një prej miteve të futbollit, anglez dhe botëror, ish-bomberi Gary Lineker.
28-vjeçari George deklaroi në një video tashmë virale se ka dy javë që ka humbur shqisën, aq sa nuk kupton praktikisht çfarë ka ngrënë ose pirë.
Aq sa edhe diçka që zakonisht konsumohet me pikatore, mund të mos bëj përshtypje. “Ja një sfidë. Po marr një gotë me uthull, po i shtoj pak limon. Dhe po e pi”, thotë anglezi, që teksa konsumon edh epikën e fundit shton se “nuk i bëri asnjë efekt, është shumë e çuditshme”.
Ndërkohë edhe babai i tij Gary, që në karrierë ka shënuar 48 gola në 80 ndeshje me kombëtaren angleze, postoi një deklaratë ku tregonte se ai vetë ka hyrë në karantinë pikërisht për simptomat e djalit të tij, duke respektuar rregullat e distancimit social. (A2 Televizion)
A2 CNN Livestream
MUND TE LEXONI GJITHASHTU
