Qeveria nuk tërhiqet nga koncesioni i rrugës Milot-Fier. Ministrja e Infrastrukturës dhe Energjisë, Belinda Balluku, deklaroi se tenderi do të rihapet në fillim të vitit, me të njëjtat kushte, pavarësisht se herën e parë pati vetëm një ofertues. Sipas Ballukut, interes pati, por kompanitë e kishin të vështirë të gjenin financimin.
“Milot-Fier është një proces i nisur, një garë që e ka kryer kohën e vet dhe nuk kemi probleme me procedurat ligjore. Unë besoj se do të hapet pas datës 20 janar”, u shpreh Balluku.
Duke folur për aeroportet, Balluku u shpreh se tenderi për Aeroportin e Vlorës është pezulluar për shkak të një procedure standarde ankimimi, por do të përfundojë brenda janarit. Sakaq, ministrja u shpreh se lajmin për blerjen e aeroportit të Rinasin e ka marrë vesh nga mediat.
“Jam informuar nga mediat dhe më pas edhe ne e kemi kontrolluar në QKR, por nuk kemi asnjë informacion nga palët blerëse. Nuk kemi një kërkesë zyrtare për transferim aksionesh”, u shpreh ministrja.
Balluku ndërkohë deklaroi se qeveria është ende në pritje të një investitori serioz për të marrë përsipër rafinerinë e Ballshit. (A2 Televizion)
A2 CNN Livestream
MUND TE LEXONI GJITHASHTU
