Me anë të zëdhënësit, Dmitry Peskov, Kremlini reagoi sërish, këtë të hënë, për agresionin në Ukrainë, duke përsëritur edhe njëherë se Rusia është e vendosur ta çojë deri në fund “operacionin special”, siç e quajnë ata, për demilitarizimin e fqinjëve.
Peskov theksoi se rusët nuk do të qëllojnë asnjë plumb, kur Ukraina të ndërpresë operacionet e saj ushtarake.
“Ne synojmë demilitarizimin në Ukrainë. Ne do ta çojmë deri në fund këtë operacion. Por gjëja kryesore është që Ukraina të ndërpresë operacionet e saj ushtarake. Ata duhet të ndalojnë veprimet e tyre ushtarake dhe më pas askush nuk do të qëllojë”, tha Peskov.
Ndërkohë, CNN raporton se ditën e enjte në Turqi do të zhvillohet një takim mes ministrit të Jashtëm rus, Sergey Lavrov, dhe homologut të tij ukrainas, Dmytro Kulebo. (A2 Televizion)
A2 CNN Livestream
MUND TE LEXONI GJITHASHTU
