Nuk do ta kisha votuar kurrë koncensionarin e aeroportit Nënë Tereza, edhe pse ai ka marrë bekimin e parlamentit për 15 vite me radhë. Kjo ka qenë një nga deklaratat e ministrit te brendshëm Sandër Lleshaj në interpelancën parlamentare në lidhje me grabitjen spektakolare në pistën e aeroportit të Rinasit. Ministri I Brendshëm Sandër Lleshaj u thirr ne interpelance nga deputete të opozitës në parlament në lidhje me ngjarjen e Rinasit ku në 9 prill u grabitën mbi 5 milionë euro nga pista e aeroportit Nënë Tereza. Në sqarimet e tij Lleshaj u shpreh se policia për këtë ngjarje ka reaguar në kohë rekord pa u lajmëruar fare nga autoriteti që duhej të garantonte sigurinë. (A2 Televizion)
