"Ne jemi liderë botërorë në vaksina. Mbi 79% e popullsisë sonë është e vaksinuar. Ne ishim të vetmit që kemi ndarë më shumë se gjysmën e vaksinave tona me pjesën tjetër të botës, me mbi 700 milionë". Kështu u shpreh presidentja e Komisionit Evropian, Ursula von der Leyen, në fjalimin e saj mbi gjendjen e Bashkimit Europian, duke shtuar se sot janë 400 milionë certifikata Covid në të gjithë Evropën.
Presidentja e Komisionit Evropian më pas propozoi një investim prej 50 miliardë eurosh në një mision shëndetësor deri në vitin 2017 për të shmangur pandemitë e tjera.
"Një mision të ri të përgatitjes së shëndetit që duhet të mbështetet nga një investim i Ekipit Evropian prej 50 miliardë eurosh deri në vitin 2027 për të siguruar që asnjë virus të mos transformojë një epidemi lokale në një botë pandemi".
Sa i takon aspektit ekonomik, Ursula Von der Leyen, theksoi gjatë fjalës së saj se 19 vende europiane do të kthehen në nivelet e para pandemisë brenda vitit, kurse pjesa tjetër brenda 2022-it.
"Rritja në zonën e euros ka kapërcyer si Kinën ashtu edhe SHBA-në në tremujorin e fundit. Nëntëmbëdhjetë vende do t'i kthehen niveleve të para pandemisë deri në fund të vitit 2021, pjesa tjetër deri në vitin 2022".
Gjithashtu, ajo theksoi edhe nevojën e një sistemi të mbrojtjes europiane për të cilën njoftoi se po punohet dhe do të jetë gati deri në fund të vitit.
"Ajo që na nevojitet është një Bashkim Evropian i mbrojtjes. Ajo që na ka mbajtur deri tani nuk është mungesa e kapaciteteve, por mungesa e vullnetit politik. Unioni po punon në një deklaratë të përbashkët BE-NATO deri në fund të vitit”. (A2 Televizion)
A2 CNN Livestream
MUND TE LEXONI GJITHASHTU
