Studiuesit që po monitoronin një pjesë të ujërave në afërsi të Australisë Perëndimore kanë mbetur pa fjalë, kur në thellësi të oqeanit arritën të filmonin një krijesë tërësisht të veçantë, si një spirale gjigante.
Krijesa lëvizte në mënyrë harmonike, me një diametër rreth 50 metra, dhe një ngjyrë të bardhë që në kontrast me ujin dukej një pikturë abstrakte, më shumë se një zbulim për t’u kujtuar.
Por çudia nuk mbaron këtu, sepse krijesa e thellësive, në fakt, nuk është një krijesë e vetme. Bëhet fjalë për sifonomorin, një “kooperativë” krijesash të quajtura zooidë, që i përkasin të njëjtës familje po kryen funksione të ndryshme në mënyrë simbiotike, ku disa kanë detyrën e gjuetisë, të tjerë kanë tentakula që mundësojnë lëvizjet, etj.
Falë këtij bashkëpunimi, kafshët e vogla kanë mundur t’i mbijetojnë klimës së ashpër dhe peshqve grabitqarë, mundësisht 3000 metra në thellësi. Ky, sipas studiuesve të Schmidt Ocean Institute që e zbuluan, ishte sifonomori më i gjatë dhe me formën më të veçantë të njohur. Vërtetë që shumë nga mrekullitë e oqeaneve mbeten ende për t’u zbuluar. (A2 Televizion)
A2 CNN Livestream
MUND TE LEXONI GJITHASHTU
