Ndryshime në qeveri, mjekja emërohet zëvendësministre e Shëndetësisë

Këshilli i Ministrave ka emëruar Entela Ramosaçaj në detyrën e zëvendësministres  së Shëndetësisë dhe Mbrojtjes Sociale, në mbledhjen e sotme.

Në vendimin e firmosur nga zv/kryeministri Arben Ahmetaj thuhet se ky emërim bëhet në mbështetje te nenit “Për organizimin dhe funksionimin e Këshillit të Ministrave”.

Entela Ramosaçaj është me profesion mjeke infeksioniste dhe ka qenë në vijën e parë të mjekëve që kanë përballuar pandeminë e Covid-19.

VENDIMI I PLOTE I QEVERISE

EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Entela Ramosaçaj emërohet zëvendësministër i Shëndetësisë dhe Mbrojtjes Sociale.

Ky vendim hyn në fuqi menjëherë.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

ARBEN AHMETAJ (A2 Televizion)