Kur merrni ilaçe nga goja, problemi më i shpeshtë dhe një nga kryesorët është ndërveprimi i tyre me disa ushqime.
Disa ushqime mund të ndikojnë në efektin e barnave. Në shumicën e rasteve, këto efekte janë të vogla dhe efikasiteti i trajtimit nuk ndryshon, por ka raste kur një ushqim mund të bëjë që ilaçi të mos e kryejë funksionin e tij siç duhet.
Në fotogalerinë e mësipërme ju njohim me ushqimet që nuk duhet të përzihen me ilaçe.
Kripa - Nxit rritjen e presionit të gjakut (tensionit). Konsumimi i saj ose i ushqimeve të pasura me kripë, si salsiçet apo turshitë, mund të ndikojnë në barnat diuretike ose për trajtimin e hipertensionit. Kripa zvogëlon efektin e barnave dhe mund të shkaktojë aritmi.Ushqimet që modifikojnë PH – Mishi, pula, proshuta, drithërat, kumbullat, boronicat, arrat, vezët, misri, thjerrëzat, peshku dhe djathrat janë ushqime që acidifikojnë pH. Të gjitha mund të ndikojnë në përthithjen e ilaçit.Qumështi dhe produktet e pasura me kalcium - Mund të kenë një efekt shumë të rëndësishëm në trajtimet me disa antibiotikë, pasi efekti në organizëm ulet.Ushqimet e pasura me vitaminë K - Perimet si brokoli, lulelakra, spinaqi apo rrepat, mund të kenë efekte të mëdha në disa medikamente. Produkte të tjera si avokado ose hudhra (në sasi të mëdha) gjithashtu mund të kenë efekt në medikamentet antikoagulante.Alkooli - Modifikon efektin e medikamenteve, duke rritur efektin e disave dhe duke ulur efektin e të tjerëve. Gjithashtu mund të shkaktojë efekte toksike në disa pacientë.
