Drejtori i përgjithshëm i Torinos, Antonio Comi bëri deklarata të forta pas ndeshjes Torino-Juventus, që përfundoi me fitoren e bardhezinjve me rezultatin 0-1.
Sipas tij, prekja e topit me dorë në zonë nga ana e De Ligt ishte e ngjashme me faullin e një jave më parë në Lecce (sërish De Ligt preku topin me dorë në zonën e tij). Në atë rast, arbitri akordoi 11-metërsh, ndërsa ndaj Torinos nuk e pa të arsyeshme një gjë të tillë.
“Sot kishte edhe më shumë kohë që ta shmangte topin. E pashë disa herë rastin dhe kur dëgjoj komente të ndryshme më vjen keq”, tha drejtori i Torinos për mediat italiane.
Ndërsa trajneri i Torinos, Mazzarri tha se ishte shumë i nxehur, por shtoi se zgjedh të mos flasë për tema të caktuara, duke iu lutur gazetarëve që të mos i bënin pyetje për prekjen e topit me dorë nga De Ligt. (A2 Televizion)
A2 CNN Livestream
MUND TE LEXONI GJITHASHTU
