Një operacion sigurie ka nisur pranë bazës së Forcave Ajrore Mbretërore në Fairford , Gloucestershire të Mbretërisë së Bashkuar, pas raportimeve për praninë e mundshme të eksplozivëve.
Policia raportoi një incident të madh dhe urdhëroi evakuimin e disa shtëpive në zonën e Ëhelford, jo shumë larg selisë ushtarake.
"Gjithçka ndodhi shumë shpejt. Ne thjesht mblodhëm gjërat tona dhe erdhëm këtu", thotë një nga banorët e evakuuar.
Disa burra u arrestuan me dyshimin për vepra penale sipas Aktit të Eksplozivëve (ligji që rregullon dhe kontrollon prodhimin, posedimin, transportin, përdorimin, importin dhe shitjen e materialeve shpërthyese).
Ekspertë të çmontimit të bombave të Ushtrisë Britanike gjithashtu shkuan në vendngjarje, duke shqyrtuar disa automjete. Një kordon sigurie u krijua rreth zonës së prekur nga operacioni.
RAF Fairford është përdorur prej kohësh si një vendndodhje operative e avancuar nga ushtria amerikane, pasi Forcat Ajrore të vendit thonë se "mbeten vigjilente" pas incidentit. (A2 Televizion)
A2 CNN Livestream
MUND TE LEXONI GJITHASHTU
