Një tërmet i fuqishëm me magnitudë 7.6 ballë i shkallës Rihter tronditi rajonin verilindor të Japonisë vonë të hënën, duke shkaktuar paralajmërime për cunami dhe urdhra për evakuimin e banorëve.
Agjencia Meteorologjike e Japonisë (JMA) tha se një cunami deri në tre metra i lartë mund të godasë bregun verilindor të Japonisë pas tërmetit.
Paralajmërime për cunami u lëshuan për prefekturat e Hokkaido, Aomori dhe Iëate, dhe cunami me lartësi nga 20 deri në 50 cm u vunë re në disa porte, tha JMA, shkruan A2 CNN.
Epiqendra e tërmetit ishte 80 km larg bregdetit të prefekturës Aomori, në një thellësi prej 50, shtoi agjencia.
Hekurudha Lindore e Japonisë pezulloi disa shërbime në zonë, e cila u godit edhe nga tërmeti masiv me magnitudë 9.0 në mars të vitit 2011.
Nuk u raportuan parregullsi në termocentralet bërthamore në rajonin e drejtuar nga Tohoku Electric Poëer dhe Hokkaido Electric Power, thanë kompanitë e shërbimeve. Megjithatë, Tohoku Electric tha se mijëra njerëz ishin pa energji elektrike. (A2 Televizion)
A2 CNN Livestream
MUND TE LEXONI GJITHASHTU
